Ոչ մեծ թռչուն, որն ունի 21-24 սմ երկարություն։ Թևերի բացվածքը 118 սմ է։ Արուների գլուխը, վզի հետին հատվածը, պոչը սպիտակավուն են՝ երբեմն մոխրագույն գունավորմամբ։ Գլխի, վզի և կրծքի փետուրները մի փոքր երկարավուն են։ Գլուխը, կուրծքը և մեջքը մոխրագույն են՝ վերջավորություններում փոքր-ինչ բաց գունավորմամբ։ Թևերն ու պոչի վերջնամասը սև են՝ կանաչավուն, կապտավուն կամ մանուշակագույն փայլով։ Կտուցը կարմիր է կամ կարմիր և սև վերջավորությամբ։ Այստեղից էլ առաջացել է տեսակի անվանումը։ Ծիածանաթաղանթը կապույտ է։ Ոտքերը գազարագույն են։ Էգերի մոտ թևերը, մեջքը և պոչը գորշ են՝ մետաղական փայլով։ Երամային թռչուն է։ Ձմռանը հավաքվում են 100 առանձնյակից բաղկացած երամում։ Բույնը հյուսում են ծառերի փչակներում։ Ձվերը կապտականաչավուն են։
Ի տարբերություն սարյակների այլ տեսակների, կարմրակտուց սարյակները չեն համատեղվում խոշոր եղջերավոր կենդանիների հետ մեկ վայրում։ Սնունդ հայթայթում են ծառերի և հողի վրա։ Հիմնականում հավաքվում են գյուղատնտեսական տարածքներում։
